Lero Tou Rae Lewo Labala

Cerpen (Cerita Pendek)

Lero Tou Rae Lewo Labala

Taik dimalu, onek dimara...

Nolo masih rae lewo wa. Sekolah bali. Lera nabe gike. Kotek nabe belara. Lerrehe nuan kae, pelate kae. Kai rae lango tuke. Hoa deko-labu sekolehe, bettuso pe kenate lolo weli nai. Bika sepatu, bettuso pe kenate wewwele lodo.

Inak nai penete do bahe-bahe wa. Kai rae dapu. Geleka keniki-wai. Take-take. Gute wato honi lei, noto limak geleka teti bewojo. Gute wata bettu, lebuso ne wai lette. Buaso. Toto ne sia hena.

Bua waha, napa oho koli, gute belone hau. Turu. Buku-pena goe taoro di belone erit. Lela hala, kode ketuaje. Kenelleke. Padahal waktu disekolah pe, guru tenna-nao kae.

"Pete mela-mela ana. Balik lango, inga lera apuka pe, besso studi (belajar sore di sekolah). Ake lega bei." Ibu guru tenna-nao kame di sekolah nempe.

Ara pe ate ne peduli? Bereun ikara malah bai heka deko-labu sekolehe hala mure. Sekolah lodo wahaka pe, dopu-nange lau tahi. Bereun yang kelas lema-nemu pe, rette ne papan ge londos dore kenolare teti benapa- lukiono.

Turu hogo pe, lera weli koli bauk kae. Koi temen hae pana di lango ae, mete pehe ne buku-pena. Dewa rae be studi balik. Goe di bekeregit. Bai kai studi hala.

"Ketedewa pe, Pak guru absen kae. Mio studi halape, hogo behe pak guru piket pereksa mio," bereun tou mei goe nempe. Naik node betuna.

"Ina goe ooo.." Kode perebun pe onek gere nempe. 

Kabe takut juga. Nolo guru kame di sekolah pe, suka bengnge. Nei kame hukuman aja-belara. Tengngo kame ne kursi kole, betti kame ne kemalu, biha kame ne penggaris. Pokoknya tea kame bo ale sare....

Makanya guru yang suka bengnge gerana di sekolah pe, kame pakewe mi "Jaha-jaha" alias (bengis). Ara susah juga diii. Guru bengnge tite di sekolah waha, balik lapor inak-amak. Ara ate ne peduli? Inak-amak malah sena kalau guru bengnge kame di sekolah.

"Guru bengnge mio nempe supaja mio tobat ue. Ake sama tebajak bei. Mai legaje pe, inga studi," inak perna koda nempe. 

"Rae bengnge juga bai uwe gasi hala bah. Tetula nalan ue hena  di, bengnge-bero kame samakene aho," bereun goe tou pernah protes. Mete tani. Ara ate ne peduli? take-take. Tode tani. Mata wei lebo. Rae bai peroho kame hala. Malahan poke balo mei pake kame. Toumpeee (teganya)...

***  ***  ***

Hogo behe gere sekolah. Guru piket di absen kame. Nae pereksa ate saja yang wia sore bai besso studi hala.

"Ate yang bai beso studi sore hala, pai gere ia kelas ae!" guru piket gare-maje nempe. Reene toupe bela-bela, samakene au peneppe. Wekime ditaku-tede.

"Moe Tue, dari ale wia lera apuka bai beso studi hala?"

"Kai belo wuru, Paaa! Ge remak teti lare lola hau."

"Ah moe pe alasan aja-aja. Wia tenna moe mi ale?" Ama Tue wetika sempat jawab wa pe, kemalu di gere dogela teti tenogel. Ama ene dipeseruduka, tepaka lali lante lolo. 

"Hahahaeetoooo !!" Kame wekka di gekaje. gebba-gebba.

"Gemekki!! Melliii!! Ate geka bali, goe homamo ne kemalu pi." Pak Guru berette kame nempe. Eke tebo melli.

Pereksa piket waha, kirami langsung bubar mai kelas masi-masi, eh dewa tali hukuman bali mure. Onek tou pe geridi-geridi.

"Sekare mio mai hamo-hue doko WC kia. Maro dilae-berete eee?" Guru piket gaha kame nempe.

"he'e Paaa!!" Kame weka jawab hama-hama. Tapi perebbu bele-belure.

Kame di langsung mai hamo-hue doko WC. Wai take, kame mabe mai bekka lali wai mekkate (sumur). Lare ia juga nabe doa-doa. Onek tode geriddi-geridi.

"Guru tou peee. Ge jaha iii," bereun goe narena Kader perebbuna nempe.

"Goe kawaso wa. Tedero ne maguna pe, laiso nodoke weti ne golita,' bereun goe ikara oja guru nempe. Kame di gekaje dore lare. Mete tutu, hi-gewai guru danga-danga.

Kode dore gekaje hena.

"Sekolah dimela-sare ama. Hogobehe ara rua pe, me morip melane. Sekolah dibelola supaya me geleka inak-amak, lewotanah suku ekan," Goe peten nolo inak tenna goe nempe.

Ah te sekolah, jadi ata dike beneten pe, ge susah tuda iiii? Ara tode dore hena, sabar hena. Ata mei mi,"Susa-tudak nolo kia, be sena-sare dore pure."

Makassar, 26 Oktober 2013.