Lela Jawa

Lela Jawa...

tobo katan peten lewo
lewo disenaren.
pae katan sudi tanah
tanah disenaren.

tobo doan go tanah sina
pae lela go ekan jawa...

puken buku sina hau
go lodo peken lewo rae.
turu tena jawa dai
go gere lupak tanah weli.

oh leworaja, go gelupak dihala
oh tanah bala, go kelaget dikuran.

erenpira go tuen,
nuan aku go balik.
ruat holot koda murin
tite tapan kirin baran...

lewotanah, lewo labala.