Te Dore Adat e Agama?
Oleh Hamba Moehammad
Rae lewo titen Labala,
nolo adat ne agama pana hama. Adat ne agama pe, mapen (berpasangan). Ata nolohe
mei mi, “uwe ne mate” atau “naweke ne keme”. Murin pi, ata bai sama persaja
adat hala mure. Rae mei mi, adat pe syirik.
"Adat nete pele liko lewotanah. Ara adat maso Iman tite bisa
hala. Adat ne agama pe laren geha, hama hala," Ustadz hae mei
nempe. Kode denga hena.
Ara kalau te peten pai tekka, inga mela-mela, sebenar ne’e pe tite di lewotanah Labala, memang moripe te lango rua: Tuhom Allah SWT longu (mesingki) ne Lango Berui ( Rumah adat).
Ara kalau te peten pai tekka, inga mela-mela, sebenar ne’e pe tite di lewotanah Labala, memang moripe te lango rua: Tuhom Allah SWT longu (mesingki) ne Lango Berui ( Rumah adat).
”Adat titen pelate-pelate,” Inak-amak tenna-naot tite,.
Ina-ama, kaka-ari taku-taku kalo re dore adat hala. Re taku ake re nalana.
Tite Labala pe ata watene (muslim). Ara te masih persaja adat e take? Kalau tite lebih persaja ne agama pe, Iman tite kuat-meggeta kepaera take? Kalau mau jujur, iman titen masih lodo-gere.
Tite Labala pe ata watene (muslim). Ara te masih persaja adat e take? Kalau tite lebih persaja ne agama pe, Iman tite kuat-meggeta kepaera take? Kalau mau jujur, iman titen masih lodo-gere.
Nolo nene bele titen pehe adat kua-kua, penue koda mei kirin,
padahal rae pe juga ime bele, Hamba Allah. Re suna-sadah ata, ara adat rae pekke hala..
Tite ne iman titen, basa kitab suci, sembe’ di mesingki rema lero, denga Ustadz koda kirin. Ara tite ana-opu lewotana nimun, adat lewotanah tite jagaro. Pe kalaumi te pehe adat, adat tula te jadi musyrik?
"Moe dore adat e kitab suci? “ Hae dehe goe nempe. Ara go mairo, go dore ruaha, adat ne kitab suci. Kitab suci nepe koda-kirin Allah ne’en, adat nepe koda-kirin nene belen nolohe. Tite tetap dore, hormat Agama, ara ake sampe gelupak urus adat. Te morip pe, musti seimbang dunia-akherat, adat ne agama.
Murin pi, tai doan seba ilmu (Sekolah/kuliah) di ata lewo. Sekolah pi Makassar, lau jawa, lali Sumatra-kalimantan, ara tite toi adat hala mure. Hae mei mi, mio gerana murine sekolah dibelola, jadi pejabat. Jadi ata belen balik pe harus tula contoh. Harus berani!
Tite ne iman titen, basa kitab suci, sembe’ di mesingki rema lero, denga Ustadz koda kirin. Ara tite ana-opu lewotana nimun, adat lewotanah tite jagaro. Pe kalaumi te pehe adat, adat tula te jadi musyrik?
"Moe dore adat e kitab suci? “ Hae dehe goe nempe. Ara go mairo, go dore ruaha, adat ne kitab suci. Kitab suci nepe koda-kirin Allah ne’en, adat nepe koda-kirin nene belen nolohe. Tite tetap dore, hormat Agama, ara ake sampe gelupak urus adat. Te morip pe, musti seimbang dunia-akherat, adat ne agama.
Murin pi, tai doan seba ilmu (Sekolah/kuliah) di ata lewo. Sekolah pi Makassar, lau jawa, lali Sumatra-kalimantan, ara tite toi adat hala mure. Hae mei mi, mio gerana murine sekolah dibelola, jadi pejabat. Jadi ata belen balik pe harus tula contoh. Harus berani!
“Berani hapus adat?” goe dehe nempe.
"Bukan hapus adat rae lewo. Tite tetap dore adat nene belen, adat nepe tite dore sampe tite mataje. Tite nipe lewotanah ene-opu, tite ana lewo nimun. Tapi goe pikir adat nepe dikurangi, disederhanakan. Ake sampe bertentangan dengan agama,” Nae tape goe nempe.
Ara goe mairo, adat
pe bai bertentangan ne agama hala. Tite atadike yang tularo taro nalana. Kalau tite
dorero larane, adat ne agama pe mapene (pasangan serasi). Tou dunia, pe waike
akherate. Salam lewo diken tana
sare! (**)
Tidak ada komentar:
Posting Komentar