BBM Weli Gerewa, Pe Hode Balsem (BLSM) Kae wa?
Oleh Muhammad Baran
Bensin pe welin gerewa kae. Nolo weli ribu paa ratu lema, pi murin pe weli ribu nemu, Rp 6.000. Weli nipe yang resmi di SPBU/Pom Bensin. Sekare rae lewo Labala pe, bensin weli pira? Goe koi hala.
Nolo waktu goe balik libur, bensin rae lewo labala pe weli ribu pulo, Rp 10.000. Berarti rae yang duu bensin pe, gute untung ribu lema ratu lema, Rp5.500. Mungkin pi lero bensin rae lewo, labala pe weli, ribuhe pulo ne lema, Rp 15.000. wah... tou geweli kae mio!
Bensin welin gereka nepi, tula te inak, amak, kaka, ari... tambah susah. Ale-ale weka kae di musti weli gerewa. Hope keniki-wai, kesabo, ike mare, ale lolo... juga tambah susah. Rae yang Pegawe (PNS) pe ne gaji raen noon. Pe te Inak ola rae mee, amak pana lau tahi... mei taro ono mure?
Oleh Muhammad Baran
Bensin pe welin gerewa kae. Nolo weli ribu paa ratu lema, pi murin pe weli ribu nemu, Rp 6.000. Weli nipe yang resmi di SPBU/Pom Bensin. Sekare rae lewo Labala pe, bensin weli pira? Goe koi hala.
Nolo waktu goe balik libur, bensin rae lewo labala pe weli ribu pulo, Rp 10.000. Berarti rae yang duu bensin pe, gute untung ribu lema ratu lema, Rp5.500. Mungkin pi lero bensin rae lewo, labala pe weli, ribuhe pulo ne lema, Rp 15.000. wah... tou geweli kae mio!
Bensin welin gereka nepi, tula te inak, amak, kaka, ari... tambah susah. Ale-ale weka kae di musti weli gerewa. Hope keniki-wai, kesabo, ike mare, ale lolo... juga tambah susah. Rae yang Pegawe (PNS) pe ne gaji raen noon. Pe te Inak ola rae mee, amak pana lau tahi... mei taro ono mure?
Bensin weli
gerewa pe, pemerentah nei BLSM, doi ribuhe teratu puluh lema, Rp
150.000, bantuan langsung sementara. pe inak-amak rae lewo hode kae
take?
Kalau Goe pete rae lewo, ba mungkin tite lewo tou hode BLSM gohu hae? Ba rae anggap tite "Gakin", alias "keluarga miskin". Doi tite take, ola mee di hasil nepe hena. Nolo pe, BLSM narane BLT, "bantuan langsung tunai", ribuhe teratu, Rp100.000.... Hode doi BLT/BLSM nepe, balik te hope labu wuu, keniki-wai, te sambo lebare-Idul Fitri tuun pii... Doi langsung wahaka-gohuka mehine.
Pemerenta mei mi, BBM (Bensin) weli gerewa nepe, supaja doi subsidi bisa re tula moli ekan, moli infratsruktur. Buka Lare bele, pelabuhan wuu, tula-moli lapangan terbang untuk pesawat, listrik bisa maso lewo, oto-honda bisa lein lali lewo lodo mue gete... Tapi mio persaja e take? Kalau Goe pe, bai persaja hala diii. Nolo pemerenta di mei nempe: BBM weli gerewa supaja ata belen tula lare wuu teti lewo haka nai, sire lare ne aspal supaja oto-honda pelae pe, ake te golit-kokaje bei.
Goe mau dehe: Pe sekare di labala pe, lare alus kae take?Aspal sampe nega kae? Listrik PLN pe, maso teti Leworaja ne Kaha Tawa kae wa? di Luki-Pantai Harapan pe, wai ledeng lancar-lancar hena take? Gere ojek lali Luki tai teti Leworaja pe pate pira?
Kalau bensin weli gerewa nepi, tite tette honda juga pikir-pikir kia. Doi take pe, tai pile beluwa ge timbe lali om Tomas. Beluwa weli pe, tite pake hope bensin te hore honda. Gere ojek tai Lewoleba ba weli-weli hae? apa lagi kalo ure-engi beleku-beleku, ojek alap bisa leta ongkos weli-weli.
"Pi murine pe, tite huda ata dike jadi hala. Tite patero ki bee rae nawo tite," goe bereun tou gepa nempe.
Tapi be tite mei taro ono mure? Doi take susa tudak pe, irek te olu-olu hena! Mula beluwa di hasil take, mula ute tanah di welin hala. Mau tai odo-ge lau tahi di, tena-berue tite take. Apalagi sekare pe musi tahi lolo bura-mara, ike di take hena. Tekan tenu di benaken take. Toto sia hena di aluse.. heheheheh.
Kalau Goe pete rae lewo, ba mungkin tite lewo tou hode BLSM gohu hae? Ba rae anggap tite "Gakin", alias "keluarga miskin". Doi tite take, ola mee di hasil nepe hena. Nolo pe, BLSM narane BLT, "bantuan langsung tunai", ribuhe teratu, Rp100.000.... Hode doi BLT/BLSM nepe, balik te hope labu wuu, keniki-wai, te sambo lebare-Idul Fitri tuun pii... Doi langsung wahaka-gohuka mehine.
Pemerenta mei mi, BBM (Bensin) weli gerewa nepe, supaja doi subsidi bisa re tula moli ekan, moli infratsruktur. Buka Lare bele, pelabuhan wuu, tula-moli lapangan terbang untuk pesawat, listrik bisa maso lewo, oto-honda bisa lein lali lewo lodo mue gete... Tapi mio persaja e take? Kalau Goe pe, bai persaja hala diii. Nolo pemerenta di mei nempe: BBM weli gerewa supaja ata belen tula lare wuu teti lewo haka nai, sire lare ne aspal supaja oto-honda pelae pe, ake te golit-kokaje bei.
Goe mau dehe: Pe sekare di labala pe, lare alus kae take?Aspal sampe nega kae? Listrik PLN pe, maso teti Leworaja ne Kaha Tawa kae wa? di Luki-Pantai Harapan pe, wai ledeng lancar-lancar hena take? Gere ojek lali Luki tai teti Leworaja pe pate pira?
Kalau bensin weli gerewa nepi, tite tette honda juga pikir-pikir kia. Doi take pe, tai pile beluwa ge timbe lali om Tomas. Beluwa weli pe, tite pake hope bensin te hore honda. Gere ojek tai Lewoleba ba weli-weli hae? apa lagi kalo ure-engi beleku-beleku, ojek alap bisa leta ongkos weli-weli.
"Pi murine pe, tite huda ata dike jadi hala. Tite patero ki bee rae nawo tite," goe bereun tou gepa nempe.
Tapi be tite mei taro ono mure? Doi take susa tudak pe, irek te olu-olu hena! Mula beluwa di hasil take, mula ute tanah di welin hala. Mau tai odo-ge lau tahi di, tena-berue tite take. Apalagi sekare pe musi tahi lolo bura-mara, ike di take hena. Tekan tenu di benaken take. Toto sia hena di aluse.. heheheheh.
Tidak ada komentar:
Posting Komentar